HAZAAR ANJUM
`Hazaar Anjum' is a 'Deewaan' (a poetry book in Urdu) written by Late Mh.Siddique 'Muslim' Maleganv i(1901-1975). A teacher by profession, he was one of the founder of new age Malegaon, Co-founder of the famous 'Malegaon Urdu Library', Madarsa Baitul Uloom', Anglo-Urdu High School'(first of town, later named A.T.T.High Sch.), and 'Anjuman Moin ut Tulba '(An NGO to Help Poor Students), later founded a school, now famous as The Malegaon High School and Junior College.
Thursday, June 2, 2011
Wednesday, February 16, 2011
waqt ki raftaar
Kali ki wazadaari,khaar ke kirdaar ko samjho
Chalan dekho saba ke,phool ke atwaar ko samjho
Khizaa'n lipti hui aati hai daaman se bahaaro'n ke
Chaman walo'n! khuda ra waqt ki raftaar ko samjho
Chalan dekho saba ke,phool ke atwaar ko samjho
Khizaa'n lipti hui aati hai daaman se bahaaro'n ke
Chaman walo'n! khuda ra waqt ki raftaar ko samjho
Ghazal
Nahi milti mohabbat but kado'n mein khaahkaho'n mein
Ye maey wo hai jo dhalti haihaseeno'n ki nigaaho'n mein
Hue barbaad jo maher o wafa ki shaah raaho'n mein
Wahi hain qaabil e tauqeer insaa'n ki nigaaho'n mein
Kabhi ek qatra e maey maangne se bhi nahi milta
kabhi milti hai bin maa'nge nigaaho'n hi nigaaho'n mein
Hawa ke saath ham bhi chal pade they sair e gulshan ko
Kise maloom tha kaa'nte bhi kuch ayenge raaho'n mein
Zamana hai ke ab chhootey nahi kaa'nte bhi talwo'n ko
Zamana tha ke kaa'nte phool they apni nigaaho'n mein
Churali aa'nkh aksar doston ne waqt aane par
Magar badkhwaah kuch nikle bade hi khair khwaaho'n mein
Durr e maqsad ki kam yaabi bahut mash'hoor hai lekin
Ise paya hai aksar dhoo'ndne walo'n ne raaho'n mein
Main apni shayri ki qadr o qeemat kya kahun 'Muslim'
Lutaaye hain guhar reze,sukhan ke maine raaho'n mein.
Ye maey wo hai jo dhalti haihaseeno'n ki nigaaho'n mein
Hue barbaad jo maher o wafa ki shaah raaho'n mein
Wahi hain qaabil e tauqeer insaa'n ki nigaaho'n mein
Kabhi ek qatra e maey maangne se bhi nahi milta
kabhi milti hai bin maa'nge nigaaho'n hi nigaaho'n mein
Hawa ke saath ham bhi chal pade they sair e gulshan ko
Kise maloom tha kaa'nte bhi kuch ayenge raaho'n mein
Zamana hai ke ab chhootey nahi kaa'nte bhi talwo'n ko
Zamana tha ke kaa'nte phool they apni nigaaho'n mein
Churali aa'nkh aksar doston ne waqt aane par
Magar badkhwaah kuch nikle bade hi khair khwaaho'n mein
Durr e maqsad ki kam yaabi bahut mash'hoor hai lekin
Ise paya hai aksar dhoo'ndne walo'n ne raaho'n mein
Main apni shayri ki qadr o qeemat kya kahun 'Muslim'
Lutaaye hain guhar reze,sukhan ke maine raaho'n mein.
Monday, January 3, 2011
Ghazal
Aai jawaani haule! halke!!
poore hue ash'aar ghazal ke
khatm hai tum par naazuk badani
paan se patle,phool se halke!
shaam hai kaisi shaam suhaani?
zulf ke saaye halke halke
sham'aa kahin tum,phool kahin tum
aaye ho kya kya roop badal ke
yun hi tez sharaab e mohabbat
tund hui aur aankhon mein dhal ke
tum bhi naazuk,wo bhi naazuk
pheink diya kyun phool masal ke?
muslim peeri aagai tauba!
toote taar ab saaz e ghazal ke.
poore hue ash'aar ghazal ke
khatm hai tum par naazuk badani
paan se patle,phool se halke!
shaam hai kaisi shaam suhaani?
zulf ke saaye halke halke
sham'aa kahin tum,phool kahin tum
aaye ho kya kya roop badal ke
yun hi tez sharaab e mohabbat
tund hui aur aankhon mein dhal ke
tum bhi naazuk,wo bhi naazuk
pheink diya kyun phool masal ke?
muslim peeri aagai tauba!
toote taar ab saaz e ghazal ke.
Ghazal...
Jhil mil taare raat dhali
suni suni teri gali
uff re jawani! Haaye re nind!
subah hui, karwat bhi na li
saare haseeno'n me wo hasee'n
gulshan bhar me ek kali
nain ke baan hain zaher bujhe
baatein hain misri ki dali
aankh ke aa'nsu dil ki lagan
palko'n palko'n sham'aa jali
dil ke piche ham majbur
qismat aage aage chali
deewana,deewana sahi
keh jata hai baat bhali
'muslim' raah e haram thi dur
aagaye bhool ke kaun gali?
suni suni teri gali
uff re jawani! Haaye re nind!
subah hui, karwat bhi na li
saare haseeno'n me wo hasee'n
gulshan bhar me ek kali
nain ke baan hain zaher bujhe
baatein hain misri ki dali
aankh ke aa'nsu dil ki lagan
palko'n palko'n sham'aa jali
dil ke piche ham majbur
qismat aage aage chali
deewana,deewana sahi
keh jata hai baat bhali
'muslim' raah e haram thi dur
aagaye bhool ke kaun gali?
Friday, December 31, 2010
Ghazal...Hai haqeeqat ek
Hai haqeeqat ek lekin kitne afsane bane
Sainkdo'n kaabe bane laakho'n sanam khaane bane.
Ibteda ye thi ke ham banne chale they hoshmand.
Inteha ye hai ke bante bante deewane bane.
Kuch na kah qaasid! Diya us sangdil ne kya jawaab
Apni jaan e naatawa'n par kya khuda jaane bane?
Unke hi ism e giraami ka faqat charcha nahi.
Kuch hamare naam e naami se bhi afsane bane
Chehra e gulgoon e saaqi se jo tapki,maey bani.
Mast aankho'n se jo nikle dhal ke paimaane bane.
Puchte hain kis tajaahul se ke ye 'muslim' kaun hai?
Uff re! ham shaher e butaa'n mein aise begaane bane.
Sainkdo'n kaabe bane laakho'n sanam khaane bane.
Ibteda ye thi ke ham banne chale they hoshmand.
Inteha ye hai ke bante bante deewane bane.
Kuch na kah qaasid! Diya us sangdil ne kya jawaab
Apni jaan e naatawa'n par kya khuda jaane bane?
Unke hi ism e giraami ka faqat charcha nahi.
Kuch hamare naam e naami se bhi afsane bane
Chehra e gulgoon e saaqi se jo tapki,maey bani.
Mast aankho'n se jo nikle dhal ke paimaane bane.
Puchte hain kis tajaahul se ke ye 'muslim' kaun hai?
Uff re! ham shaher e butaa'n mein aise begaane bane.
Wednesday, December 29, 2010
Dua
Izzat tujhi se hai sarbulando'n keliye
Taskeen e jigar hai dard mando'n keliye,
Wo soz e duroo'n ataa ho mujhko ya rab!
Rakha hai tune jo khaas bando'n keliye.
Taskeen e jigar hai dard mando'n keliye,
Wo soz e duroo'n ataa ho mujhko ya rab!
Rakha hai tune jo khaas bando'n keliye.
Sunday, December 19, 2010
Hazaar anjum
Bheegi hui palkon ke jalte hue ye ansu/ tharraayen to angaaray hain,nikhrein to 'hazaar anjum'.
Subscribe to:
Posts (Atom)
